Սրբապղծություն Երևանում․ կոտրել են Արցախյան 44-օրյա պատերազմում զոհվածի գերեզմանի դրոշի հենասյունը և գողացել արևային լուսավորության սարքը

Սրբապղծություն Երևանում․ կոտրել են Արցախյան 44-օրյա պատերազմում զոհվածի գերեզմանի դրոշի հենասյունը և գողացել արևային լուսավորության սարքը

Shamshyan.com-ի տեղեկություններով՝ հունվարի 1-ին սրբապղծության դեպք է տեղի ունեցել Երևանում։ Կեսօրին ոստիկանության Քանաքեռ-Զեյթունի բաժին ահազանգ է ստացվել, որ Ֆանարջյանի փողոցում գտնվող գերեզմանատնից գողացել են արևային լուսավորության սարքը և կոտրել դրոշը։

Ինչպես հայտնում է ֆոտոլրագրող Գագիկ Շամշյանը, նշված հասցե են մեկնել ոստիկանության Քանաքեռ-Զեյթունի բաժնի օպերատիվ խումբը՝ հետաքննական բաժանմունքի հետաքննիչի գլխավորությամբ։

Պարզվել է, որ նույն օրը, ժամը 03։00-ից մինչև 10։00-ն ընկած ժամանակահատվածում անհայտ անձը կամ անձինք վնասել են Արցախյան 44-օրյա պատերազում զոհված, լեգենդ դարձած Սամվել Աթոյանի գերեզմանի դրոշի հենասյունը, կոտրել այն և գողացել հենասյան վրա տեղադրված արևային լուսավորության սարքը։

Փաստի առթիվ ոստիկանության Քանաքեռ Զեյթունի բաժնի հետաքննական բաժանմունքում նյութեր են նախապատրաստվում։

Оставить комментарий

Ваш адрес email не будет опубликован. Обязательные поля помечены *